Անվճար իրավաբանական խորհրդատվություն

ԱՐՄԻՆ բարեգործական հասարակական կազմակերպությունը տրամադրում է անվճար իրավաբանական խորհրդատվություն քրեական, քաղաքացիական և վարչական իրավունքի ոլորտներում: 

Տրամադրման գերակա նպատակներից է մեր հասարակության անդամների իրավագիտակցության բարձրացմանն օժանդակելը, քանի որ բազմաթիվ պետություններ այսօր որպես զարգացման ուղենիշ են ընտրել մարդու իրավունքների և ազատությունների պաշտպանված լինելը, սակայն, միևնույն ժամանակ, տպավորություն է, որ ինչքան շատ ենք խոսում մարդու իրավունքներից և ազատություններից, դրանք ավելի շատ են ոտնահարվում:

Անվճար իրավաբանական խորհրդատվություն մատուցելով՝ ԱՐՄԻՆ բարեգործական հասարակական կազմակերպությունը ցանկանում է իր ներդրումն ունենալ մարդու իրավունքների և ազատությունների պաշտպանության հարցում ընդհանրապես:

Անվճար իրավաբանական խորհրդատվություն

Անվճար իրավաբանական խորհրդատվություն

ԿԱՐԴԱԼ ԱՎԵԼԻՆ

ԿԱՐԴԱԼ ԱՎԵԼԻՆ
Աջակցություն սոցիալապես անապահով խավին, ծերանոցներին, մանկատներին

Աջակցություն սոցիալապես անապահով խավին, ծերանոցներին, մանկատներին

ԿԱՐԴԱԼ ԱՎԵԼԻՆ

ԿԱՐԴԱԼ ԱՎԵԼԻՆ

Աջակցություն սոցիալապես անապահով խավին, ծերանոցներին, մանկատներին

Պլանավորելով իրականացնել նման նախագիծ՝ ունենք ամենալայն պատկերացումներն այն իրականացնելու ուղղությամբ՝ մարդու հետ պարզապես զրուցելուց սկսած մինչև նյութական օգնության տրամադրումը:

Չենք կարծում, որ հասարակության որևէ անդամ իրազեկված չլինի այն մասին, որ մանկատներում առկա են մեծ ֆինանսական հատկացումներ թե՛ պետության և թե՛ բարերարների կողմից: Շրջելով մանկատներով՝ ես հպարտությամբ կարող եմ ասել, որ մեր մանկատներում չկան քաղցած, վատ հագնվող կամ կրթության հնարավորություն չունեցող երեխաներ: Բայց այդ երեխաները չունեն կարևոր մի բան՝ պարզ մարդկային շփում: Կարևոր չէ, թե ինչքան նվերներ ենք տանում նրանց, նրանք ավելի շատ ցանկանում են, որ մնանք իրենց հետ, խաղանք պարզ մանկական խաղեր, լսենք նրանց պատմությունները: 

Հենց սրանից ելնելով է, որ մեր առաքելությունն այս նախագծի շրջանակներում սկսվում է պարզ մարդկային շփումով և վերջանալու է մինչև նյութական աջակցության տրամադրումը:

Մասնակցություն կրթական ծրագրերին

Կրթությունը դարեր շարունակ եղել է յուրաքանչյուր հասարակության զարգացվածության կարևորագույն հենքը և նույն հենքը մարդկության հետ գնալու է դեպի դարերի խորքեր:

Այս նախագծի շրջանակներում մեր առաքելությունն է կրթական և ճանաչողական ծրագրերի իրականացումը նախադպրոցական տարիքի հաստատություններում: Սա այն տարիքն է, երբ յուրաքանչյուր երեխա պատրաստ է և կարող է սպունգի պես կլանել և սովորել այն ամենը, ինչ իրեն կտրվի, թե՛ նախադպրոցական հաստատություններում, թե՛ այդ հաստատություններից դուրս: Մեզ համար ընդունելի է բազմաթիվ հոգեբանների կարծիքն առ այն, որ մարդու հիմքը ձևավորվում է մինչև հինգ տարեկան հասակում ստացած տպավորություններով, կրթությամբ և նախասիրություններով: Որևէ մարդ՝ մասնավորապես երեխա, չպետք է զրկված լինի կրթություն ստանալու իրավունքից: Մենք պատրաստ ենք մշակել գործիքակազմ և օգտակար լինել այն երեխաներին, ովքեր ինչ-ինչ պատճառներով զրկված են կրթություն ստանալու իրավունքից կամ չունեն այն ստանալու հնարավորություն:

Մասնակցություն կրթական ծրագրերին

Մասնակցություն կրթական ծրագրերին

ԿԱՐԴԱԼ ԱՎԵԼԻՆ

ԿԱՐԴԱԼ ԱՎԵԼԻՆ