Շատերը նրան կճանաչեն «Դինաստիա» հեռուստատեսային սերիալում նրա գլխավորած դերով: 1992 թվականին, երբ նրա մոտ ախտորոշվեց կրծքագեղձի քաղցկեղ, նա ցանկացավ այն գաղտնի պահել: Այս լուրը շոկային էր նրա համար, բայց որոշ ժամանակ անց նա որոշեց, որ պետք է խոսի հիվանդության մասին:

«Միլիոնավոր կանայք ամեն օր բախվում են այս հիվանդությանը: Մենք պետք է աշխատենք միասին, և իմ պատասխանատվությունն է օգնել նրանց այդ հարցում», - ասել է նա «Oprah’s Master Class»-ին տված հարցազրույցում:

Նրա քաղցկեղը բուժվեց լումպեկտոմիայի միջոցով, որին հաջորդեց 12-շաբաթյա ճառագայթային թերապիան: Նա հաջողակ էր, քանի որ ստիպված չէր քիմիաթերապիա անցնել:

2016 թվականին Spectrum Health-ին տված հարցազրույցի ժամանակ նա ասաց.

«Մահվան միտքը, անշուշտ, ձեզ խոնարհ կդարձնի ... Ես պետք է փորձեի դրան վերաբերվել մեծ արժանապատվությամբ և անընդհատ չանհանգստացնել իմ ընտանիքին: Միշտ հավատացել եմ, որ շատ ցավալի, դժբախտ իրավիճակում կարելի է գտնել ավելի պայծառ կողմ, և դա անելը Ձեր պարտավորությունն է, քանի որ Ձեր շրջապատում գտնվող յուրաքանչյուր անձ Ձեզանից ավելի դատարկ է իրեն զգում ստեղծված իրավիճակի արդյունքում: Ինչ-որ պահի դուք պետք է ստանձնեք պատասխանատվություն այն բանի համար, որ դուք ունեք կյանք, որը պետք է ապրել և պետք է անել առավելագույնը, ինչը հնարավոր է»: